ḧacî neqaşa
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
2 Xulek
279 Dîtin
ḧacî neqaşa ...
xudam řeng bazen ’eceb neqaşa
meyl derûnim daym ne coşa
seraser cîhan gişt leşkir poşa
munkîran heq derûn ałoşa
giroy ’eşq daran temam ser xoşa
coyay dîn yar mest med hoşa
yařeb girdimanker netoy pełoşa
derman bikyane pey gird nexoşa
zumřey yaristan biban dił xoşa
ẍułam xas badey mey noşa
newaçî mełła çene heraşa
bêzarim ce dest fanî qełaşa
firê qanî’im we ey me’aşa
giftarim meqbûł ’eceb qumaşa
ce lay munkîran siř meker faşa
mełła kemterîn ne xak û paşa
te’tîlim ce dest kar çewaşa
heq wedest wêş keroş lewaşa
duşmin dîn yar her han çe haşa
zumřey muřtedan cehenem caşa
îradey yezdan weytewr řezaşa
qîratiş temam xeylê cezaşa
temam meẍrûran kefit we telaşa
wedest ...Teksta ne aşkira nêkan daẍmaşa
xełat baqî nûrîn wałaşa
zat kirdigar mewzûn bałaşa
cemî’ yaristan han ce penaşa
firyad řesî yar ḧazir hanaşa
şadî û şewq û zewq wext şabaşa
deng saz û semtûr ’eceb sedaşa
fanî wêran mo baqî beqaşa
#
dunya peristan cîfe xudaşa