yaran ’ar bîyen
name bo ḧeme ḧeyder
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
2 Xulek
562 Dîtin
yaran ’ar bîyen ...
tumez dîndarî weytewr ’ar bîyen
meger saḧêbim lêm bêzar bîyen
cergim řexnedar te’ney ẍar bîyen
ẍeyr çe zat heq meded kar bîyen
melcahim saḧêb zulfeqar bîyen
aşnay ezelî gişt we xar bîyen
bêganey ebed ta’et kar bîyen
ḧeyf perê merdan gişt xesar bîyen
me’lûf cîfe hem dînar bîyen
wicûdim nabûd zededar bîyen
ce dûrî yaran dił bîmar bîyen
mexlûq nadrust bê qerar bîyen
îman nemenden dîn fîrar bîyen
fîrqey munkîran ce azar bîyen
derwêşî ey wext jar mar bîyen
dił qeyd zencîr ce ḧesar bîyen
bê şewq û bê zewq tîre û tar bîyen
’esrî weytewre yaran kê dîyen
zułim û te’eda çe ḧed berşîyen
dûkan meḧcûz bî dił bê şar bîyen
wiłatan xapûr kes dyar nîyen
şikak ce řay heq gişt înkar bîyen
ehil heq bê qedir řûy řozgar bîyen
nakesan meẍrûr yekser har bîyen
axir ser’encam nîgûnsar bîyen
zemîn dû řengan gişt beyar bîyen
gaw werew nîłe bê ciftyar bîyen
nuxtey qedîmen çe tumar bîyen
serdî sa’eten kes hoşyar nîyen
ey bendey kemter xeberdar bîyen
mełḧem zam dił celay yar bîyen
řoḧ pey zyaret ḧazir kar bîyen
ser çeşmey yarî ha ’ewar bîyen
êsta firseten hîç zordar nîyen
sey ḧeme ce nesił yadgarNava taybet bîyen
pey lway zyaret lêş îxbar bîyen
feqê cenabit ce şumar bîyen
perê yaristan hem dest bar bîyen
zwanim daym ce îzkar bîyen