yaran ’eyane
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
2 Xulek
514 Dîtin
yaran ’eyane ...
nîk û bed çe lay xalîq ’eyane
penaman we zat padşay yegane
lêman negêro ’uzir û behane
î nefis zordar xetay kêmane
sewqim mekerî we řay ’îsyane
ney çah zułmet tîrey şebane
daym serkêşî we meẍrûrane
wêt kerd we te’ney xwêş û bêgane
tekyegay qedîm bî we meyxane
me’lûm nîşaney axir zemane
mêrdan bê qedren dewr zemane
kone ucaẍan bî we karxane
dîn fîrar bîyen nemend amane
metłûb û tałb medo peymane
îẍfałş kero çe xełwetxane
çe hezar yekê hen pak damane
er beheşt nebo dozex camane
çêş keron çe dest î bed zemane
bîyen we fiḧûl gişt murîdane
’eybim be wêney beḧir ’umane
da’îmel medam giftem hezyane
perê ’eyb yom ’eynim ’emyane
perê ’eybelnas ham ne cewlane
me’yûbim lahûr çun esfehane
ḧeyfen bwaçon bedî xełkane
giftar serf mekem webê hudane
xełasîm nîyen çe î zîndane
dunya penc řojen musafir xane
çendîn negûn kerd perê aşyane
kerdenim newer xerqey řendane
penahim berden we şay merdane
ye giftey mełła ẍayet xecłane
çe xewf meḧşer cestey buryane