yaran meḧşeren
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
2 Xulek
535 Dîtin
yaran meḧşeren ...
me’lûm nîşaney yumelimḧişeren
birader ’edu we biraderen
firzend nařeza çenî pideren
hamsayan xa’în we yek dîgeren
ḧełał natfaq çenî hamseren
êdîş îradey ḧeyî ekberen
’alem mubtelay derd û kederen
îspaten ’alem weyek çakiren
çe wext tengida wêney kafren
welḧasił encam karman xeteren
eḧwałman qebîḧ baẍman bê beren
ḧêr û şeř we dest qeza û qederen
çe afat dehir xełk bê xeberen
afat piř beła şořş û şeřen
çey wexte memat xeylê xubteren
fîrqey piř ḧeyat ḧałş bedteren
î bendey axûn qewm beqeren
çe hezar yekê ehil huneren
mabaqî ḧeywan gişt bê beseren
qût ’aqłan xûn cigeren
et’îmey xeran şehd û şekeren
tewq zeřînan çe ’unq xeren
espanit mecrûḧ jêr kemeren
’aqłan xas dił mu’teberen
qisey cahîlan nêş nîşteren
feqîran hîlak gişt derbederen
sinf dewłemendan azad neseren
temam xas û ’am gişt řa guzeren
penaman we zat aẍay qemeren
çe lay ehil ḧeq zeř xaksiteren
merd nêk daym xidirş řehberen
çey dunyay fanî cagem seqeren
ye watey mełłay negişt kemteren