er hey azîz gyan şay şekerrazan
Li pirtûka:
Dîwanî Mîne Caf
Berhema:
Mîne Caf (1911-1965)
1 Xulek
519 Dîtin
er hey azîz gyan şay şekerrazan
ser başqey meclîs bezmî şabazan
ser delîley pol sosenî xałan
şazadey ser xêł ’êlî newhałan
edem qesemit bew dîdey bazit
bew bejin û bałay newtûlî nazit
bew sefḧey şerîf gonay bê gerdit
bew ḧałî dił pêk serçeney zerdit
bew ebroy hîlal bew zułfî çînît
bew nûrî şu’ley cam cemînit
bew safî gerden bilûrîy bêgerd
waçe perê çî lêman qarit kerd
mebo we taqîq cunḧem beyan bo
cerḧim ce xizmet qîblem ’eyan bo
er min me’lûm bo gunayom kerden
ye ser ye şimşêr ye gyan ye gerden
ew wext çûn mîneNasnava edebî her çîm bawe ser
cay xefet nyen nazarî kîşwer