pey kê peşêw ḧał xatirtengenî
Li pirtûka:
Dîwanî Seyd Yaqoy Mayîdeşt
Berhema:
Seyd Yaqoy Mayîdeşt (1808-1881)
1 Xulek
1051 Dîtin
mewlaperistan...
yek řoj çîm we seyr serçeşmey wistan
dîm wistan piřen je dîde mestan
temam meh cebîn ebrû peywestan
nigam kerd wey kaw bêstûneda
wey bêstûn çerx çil sitûneda
dyam bêstûn maten je xemda
sê girey ebrûş berden we hemda
persam bêstûn serbirdey eflak
sîne bo qułing ’aşiqan çak çak
pey çêş wey tewre matenî le xem?
sê girey ebrût berdenî we hem?
watim bêstûn to je sengenî
pey kê peşêw ḧał xatirtengenî
wat řasen sengen esił îcadim
mat nafehmî fewt ferhadim
we ’ebes ’ebes jey dewr dêrîn
pey şîrîn guzeşt je gyan şîrîn
ne min niga key wey cîhaneda
wey newnemaman kirmaşaneda
temaşay terkîb destûrşan key
şîrîn we desşûr desşûrşan key
min bałam je seqif sema wiyerden
temaşay xasan zemanem kerden
wew mewlay şahan ẍuřiřş lanesxen
ewen şîrîn hen ew şîrîn tełxen