mu’ema bo řeḧîm xanî serunawî
Li pirtûka:
Dîwanî Seyd Yaqoy Mayîdeşt
Berhema:
Seyd Yaqoy Mayîdeşt (1808-1881)
2 Xulek
811 Dîtin
deryay ’umanî ...
ẍewas beḧreyn deryay ’umanî
yek řoj ce girdiş zemane fanî
tecirbem girten pey nuktezanî
naga çawim kefit we dû tîp swar
tîpî ferengî û tîpî zengewar
ne mabeynşan dû ten řîş sifêd
sertapa ’uryan bê mawa û bê zeyd
yek qet’e zemîn de’wa kerdebîn
abłey zyadê berhawirdebîn
laşeşan çûn post pełeng gułguł bî
řeng guł ne tuhir dîdey bulbul bî
dû sef swar yesar û yemîn
hane xisûmet pey qet’ey zemîn
çûn mirx besmel wêşan leş mekerd
ewan fetwa medan eyan beş mekerd
herkesê řexne wey me’na berden
goya sey yaqo zeř xerîd kerden
cwab řeḧîm xan be mu’ema:
seyîd û xeyał
beḧ beḧ ley fikire kerdî we xeyał
ẍewas beḧreyn duř û dane û lal
seraf suxen xwîrdemawî xał
me’lûme ḧerift xoş mecazîye
tas û texte nerd neberd bazîye
we mecłisanda xanan menîşan
tûtîwar meken lulwî duřfişan
we bazîy nerda herkesê şeşder
bibendo we kes mû we saḧêb ser
mu’ema le seyîdewe:
penc mela henin bêdest û qełem
we subiḧ ta êwar menîşin we hem
ew pencey asin ey pencey sunbil
mekêşin dîwar bê aw û bê gil
cwab řeḧîm xan be mu’ema:
penc melat penc sêx asin bedenen
fikir řewîyey řeftar zenen
ew sêx curab dunyaş we kamen
ewîş hamnişest ḧurî ḧurfamen