ne řaguzarê
Li pirtûka:
Dîwanî Mîne Caf
Berhema:
Mîne Caf (1911-1965)
1 Xulek
481 Dîtin
ne řaguzarê ...
aro dîm we çem ne řaguzarê
ahûy xuten bêz terlan tewarê
ceyranî sermes dîde xumarê
tûba qametê hey’et ře’nayê
tawus xisłetê sewłet zêbayê
perçem perêşan we wêney nesrîn
cemîn direxşan çun necim û perwîn
çeman we pirgar manî keşîde
çun hîlalî new ebřo xemîde
çemanş daym bê mey piř xumar
sya çun dîdey ceyranî tatar
çun subḧî sadiq ne zułmatî şew
řûmet medrewşa ce toy zułfî ew
leban şîrîntir ce şîrîn şeker
mewaçay ẍunçey wadey sub seḧer
çeneş çun narinc beẍdayî řengîn
xeylê diłgîrter ce çeney şîrîn
mîneNasnava edebî perçemş syaw piř çînen
çeman xeraman şoxî şîrînen