azîz qesemim we say desmałit
Li pirtûka:
Dîwanî Mîne Caf
Berhema:
Mîne Caf (1911-1965)
1 Xulek
370 Dîtin
azîz qesemim we say desmałit
we çînî peşêw zulfî ser xałit
we dîdey syay mexmûrit qesem
we xałî cemîn piř nûrit qesem
we tewqî hîlal ebroy xemîde
çeman we pergar manî keşîde
we berq û şu’łey şem’î ser gonat
we çilîpay pêç egrîcey tatat
we řengî narinc çeney sîmînit
swên we mawîy xał lewḧey cemînit
we şinoy şemał say şedey bêgerd
we berqî ełmas pay gwarey zerd
we saqî gerden safî bilûrit
we ’îşwey goşey dîdey mexmûrit
we serwî bałat ce ’alem takit
dîsan we sefḧey řuxsarî pakit
we gişt qisem bo qîblekem sed car
î’tibarit bo ceyranî tatar
baweřit bo pêm ahûy xetayî
nem girten ce to řay bê wefayî
satê bê meylît newyen jyanim
meylî tom ba’is řoḧî řewanim
min wey îxlas û to wew heraso
wew diłey çun seng xwa nenaso
mîneNasnava edebî wey hûnaw dîdey piřgirîn
medo deẍalet we pay guł cemîn