çe bikem min ce des şûmîy bextekem
Li pirtûka:
Dîwanî Mîne Caf
Berhema:
Mîne Caf (1911-1965)
1 Xulek
518 Dîtin
çe bikem min ce des şûmîy bextekem
baz awurd we so zaman sextekem
girpey biłêsey kûrekey derûn
êden ser sawan we say gerdûn
ziłey zayełey diłey piř ce derd
boy kizey kebab henasanî serd
emşew meşnewm meyo ne goşim
medo ne demaẍ, řem kerden hoşim
fełek dad ce des sitemkarîyeket
kotaş nekerdî xwên xwarîyeket
hûnim nekerden fełek ce say to
cefat sat we sat pey min zyad mebo
hana hey hawar çewaşey keç řew
wesen ta key bûm min neteqłe û dew
ta key wêł herd syabextî bûm
ta key dił hûnîn zaman sextî bûm
ta key ẍerq gêj lêławî xeman
we wêney mecnûn awarey herdan
wesen wes cenu azarim dero
kem we qar û qîn taqîwim kero
min çêşim kerden dad ce bedřayît
ce cewr û sitem ce naxwarîyt
satê bew řaze bel diłim şad bo
we wêney mîneNasnava edebî ce xem azad bo