ane hay ne kû
bo mergî «dursin xanim»y daykî
Li pirtûka:
Dîwanî Mîne Caf
Berhema:
Mîne Caf (1911-1965)
2 Xulek
428 Dîtin
ane hay ne kû ...
adakê tu xwa ane hay ne kû?
mer dûr bê meylit kem bîyen pêman
ya xo xatirit řencyage lêman
wey ne teşrîfit berden perê ko
pey çêş nyamay řay nehatin bo
koçî xeyrit bo mersyet pey meḧşer
mawat bo ne say sayey peyẍember
nîgadarit bon pîranî kamił
zwanit til nedo we watey batił
ew řo ce dîwan xwa cem mebon
her kes nameyê kerdiş pêş medon
ercum hen ce zat yezdanî dadar
bit bexşon we cah mustefay muxtar
we bedîy kirdet zwanit leng nebo
we zerdîy gunah gonat řeng nebo
tu xwa arwakem new şwên û cada
minit ce bîr bo ne řay ełłada
yen tengî eḧwał zor awerde pêm
řîswa û ḧeyran wêm ce derdî wêm
kokoy meynetan yen ce lam cemen
xawim řem kerden xorakim xemen
dûrît karê kerd we diłey naşadim
ẍeyr ce to bîlla nemenden yadim
sa dîdem tu xwa řeḧmet baro pêm
sizay dûryeket taqet senden lêm
we sozekey wêt du’ayê kero
yen piř te’sîr bom sebûrîm dero
tarîxî ew řo turit kerd lêman
êden watenim pey derdî wêman
wey řengen tarîx nûrî peyẍember
bida êmdadit ne seḧra û meḧşer