ey laye laye ḧesen lay laye
fehîme xanî hawserî kerîm beg laye laye bo ḧesenî kuřî ekat
Li pirtûka:
Dîwanî Mîne Caf
Berhema:
Mîne Caf (1911-1965)
2 Xulek
404 Dîtin
ey laye laye ḧesen lay laye
le xwam tełebe bigeyte paye
payet biłind bê berz bê meqamit
bew şerte serberzîy kurd bê meramit
ẍaye û amałit ḧuřřîy kurdan bê
řoḧit fîdayî řêy nîştiman bê
çawit le berzîy jînî wiłat bê
gyan bext kirdin le lat xełat bê
korpem gwê bigre le dengî daye
be diłî xwênîn bot ekem laye
perdey diłekem piř le xwênawe
bo zelîlî kurd cergim biřawe
hey laye laye ḧesen lay laye
le jêr destî zułim der biçûynaye
korpem nazanim boç xewt naye
êşî zelîlî kurd le diłtaye
boye min şîrî sipît pê edem
be xwênî ciger perwerdet dekem
ser û gyan û mał giştî fîdakey
qewmeket le jêr şeqan řeha key
řołe pêt ełêm to kurd zubanî
taze nemamî baẍî kurdanî
dexîlit bibim korpey nexşînim
taze gułẍunçey gułzarî jînim
ke pê geyştî emet tegbîr bê
em kizî kurdet daym le bîr bê
qet texsîr nekey be řoḧ û be gyan
ta wer egrî tołey kurdistan
ey laye laye ḧesen lay laye
nazanim bo çî to xewt naye
ełbet toş wek min dił piř birînî
bo kurdî bedbext ciger piř xwênî
êşî kurdistan to le toy diłte
boye bem şewe tepawe tilte
ḧesen min hîwam waye be yezdan
zû bêyte berhem be ’eqił û ’îrfan
bibî be esbab bo yekêtî kurd
gerdenî nîfaq bişkênî wird wird
řołe bo dinya çaw le xwar nebî
dujminî hozit bo eẍyar nebê
nebî be xadim fikirî ecnebî
qewmit nefroşî bo ser mensebî
ey laye laye ḧesen lay laye
lem gêjey ẍeme key derçûynaye