dił we bergî derd seraser melfûf
name bo şehîd
Li pirtûka:
Dîwanî Cefayî
Berhema:
Cefayî (1835-1890)
1 Xulek
505 Dîtin
dił we bergî derd seraser melfûf
derûn piř ne pêç we meynet me’lûf
îmşew cefayîNasnava edebî xestey dił melhûf
daym we elem we cefa mewsûf
şerḧ ḧał toş ce la bî mekşûf
zyad kerd azar bê deway mexûf
xurşîdî nehar şadîm kerd kusûf
bedir şew û şewq dił şî we xusûf
çun dîm biłîsey narî cestey to
pêç dûy syay derûnit bê şo
goya ew meḧbûb we naz perwerde
ew cestey nazk pak çun werde
xuda nexwaste êş peşêwiş kerden
azarş narş ce endam berden
dek fełek daym her seringûn bay
neyawî we kam her seringûn bay
pey çêş ney demda ey keyde kerdî
jar derd we dił ’aşiqan werdî?
ama simi’it saḧb alula’:Erebî
alisdiqة tidfi’ albila’?Erebî
mişya hor biday weş bang û seła
ewlay ’aşiqan derûn piř beła
cestey gyan û dił, wêt û ewgaran
bikerdan we fîday şay cîlwedaran
şew û řo şîfay ew şîrîn neseq
metlûben ce lutif xellaq mutłeq
beł «şehîd» ’eşq ew perî peyker
diłş řeha bo ney bend xeter