badî leyla xan
Li pirtûka:
Dîwanî Melay Cebarî
Berhema:
Melay Cebarî (1806-1876)
1 Xulek
708 Dîtin
badî leyla xan ...
badî ’enber bad burcî leyla xan
mişnyay tay dêz beřezay şaxan
meşatey gêsûy biłind demaxan
nesîmî meḧrem mabeynî yaran
şarezay şuqey şewbo newhałan
nameyek ne şerḧ diłey peř derdim
şerḧê ne sewday henasey serdim
bê xeylê wexten dûr keftey zêdim
ẍeyr ce to we kes nîyen umêdim
nûsanim we zox zamanî karî
bireş we zamin tun we dyarî
namem bigêłan we hozanewe
bideroş we des diłsozanewe
we sozî sîney dił xeraşewe
hamseran yek yek bwanaşewe
her kes diłsoz bo sozêş ne dił bo
dîgî derûnş pey min we kuł bo
bigrewan baçan lêłayîm lêłen
be namey melan nezanî wêłen
şemał dexîlen to we diłşadî
bawer nameyek gerdin azadî
ewe min řoyîm welay řomewe
mer do’ay xwêşan baweromewe
ser nyam we pay mułkî řomewe
mer do’ay xasan baweromewe