le ’eksî destî řengînit diłî peymane řengîne
Li pirtûka:
Dîwanî Ḧemdî
Berhema:
Ḧemdî (1876-1936)
1 Xulek
534 Dîtin
le ’eksî destî řengînit diłî peymane řengîne
le xoşî lêwî şîrînit mey û meyxane řengîne
ke esrarî demit badî sebay bo ẍunçeyê hêna
fereḧ kewte diłî êsta gułe û xendane řengîne
meger xende cudayî xiste beynî lêwî şîrînit
ke pişkût ẍunçe her ’eynî wek ew lêwane řengîne
le basî gerdin û gêsûyî leylakey deka ’aqił
nezanî çende zincîrî milî dêwane řengîne
ke basî dest û pencey piř nîgarî to dekem cana
mîdad û xame û sefḧe hemû efsane řengîne
ẍerîbit kirde ke’bey ehlî dił tenha be yek cîlwe
mîsalî ḧorîy cennet bit û bitxane řengîne
be şu’ley şem’î kułimit bo nesûtê dił ke bîbînê
wekû tutî le şuhretda peřî perwane řengîne
were saqî be yadî dilbere bê şertekey ḧemdîNasnava edebî
bide camê dexîlit bim qisey mestane řengîne