ey weten kwanê nesîmî subḧî ’enberbareket
Li pirtûka:
Dîwanî Ḧemdî
Berhema:
Ḧemdî (1876-1936)
3 Xulek
600 Dîtin
ey weten kwanê nesîmî subḧî ’enberbareket
kwa gułî xendan û kwanê ’endelîbî zareket
qumrîy serşîn ke toqêkî le mildaye dełê
kwanê pencey serwî nazit bo lebî cobareket
kwa wekû řoḧanyan fîrqey minewwer tînetan
bêne seyrî mezre’ey umêdî ehlî şareket
wek le meḧşerda ke ’alem gum bika namey ’emel
kwa le meydana geřanî kasb û tuccareket
kwa řegî řoḧî ’imûmî bo xitûtî telgiraf
boye nagate dirawsê bitkujin hawareket
kwanê şagirdanî mekteb bot biłên em şerqîye
ey weten kwanê nemam û newgułî gułzareket
wek le nez’a bê wesîyet ka ḧezînane witî
nîme yarayî cewabî cumleyî guftareket
her emendet pê dełêm emma be xełqî to biłê
her le yarit ta degate cumleyî eẍyareket
şîrekem pêtan ḧełałe xwênekem ger gum neken
namdaran û ḧemîyet karî ewladî weten
destî załim kewtim û nemma heway guł’enberim
guł şika bazařî xwênî bulbulîş kewte serim
her ke tewqî załmî dî qumrî řoḧî hełfiřî
serwî bê çare witî wa çake sucdey bo berim
řakşawin mîslî estêre minewwer tînetan
ta biken řecmî şeyatînî le pêçî mêzerim
kasb û tuccarî bêçare le daxa mirdûn
ger be dîqqet tê bifkirî êste deştî meḧşerim
şerqî xwênim ciẍd û tarî ’enkebûtim telgiraf
çende wêrane bizane şarekey axir şeřim
îstîlay erzî deka sayey mîlel lem ’esreda
nîweřome min ke nîme ta berî pê sêberim
lêmgeřê tuxwa îtir nîme twanayî qise
to biłê em wesyete zûtir be yar û yawerim
şîrekem pêtan ḧełałe xwênekem ger gum neken
namdaran û ḧemîyet karî ewladî weten
wa le nez’a xełqe gwê bigirin le guftarî weten
bom biken em def’eye êwe û xuda çarî weten
ey tebîb înkarî ’îlim û fennî to xo nakirê
her beyek dem bo çî nakey men’î azarî weten
řebbî mûsayî binêrî cennetê bû wek îrem
dozexî fîr’ewne êsta seḧnî gułzarî weten
kwa direfşî kawyanî kaweyî bo çî nîye
meẍzî derbênê leser zuḧḧakî bîmarî weten
kwanê saḧêb nesretê bo xetmî karî nasrî
bo xetî mensûrî başe wek qełemdarî weten
kwanê farûqî nejadê îrsî xoy bênête cê
ta le çing bûcehlî derka dîn û dînarî weten
xwênî ewladî suleymane û ẍubarî pakî ced
ew quř û awey kiraye serfî dîwarî weten
çawî dîsan hełbiřî dûbare lêwî kirdewe
deng meken tuxwa bizanîn çî dełê yarî weten
ḧemdîNasnava edebî me’lûme ke saḧêb ẍîret û mîllîyetî
kes nîye wek to berê em care hawarî weten
şîrekem pêtan ḧełałe xwênekem ger gum neken
namdaran û ḧemîyet karî ewladî weten