bulbul be xende dêt û dełê dey biřayewe
Li pirtûka:
Dîwanî Ḧemdî
Berhema:
Ḧemdî (1876-1936)
2 Xulek
2237 Dîtin
bulbul be xende dêt û dełê dey biřayewe
şaxî dirextî ’umrî şikofe jyayewe
teqlîdî dîdekanî minî kirduwe zemîn
herkore şêwe çeşmeyî têda jyayewe
newroze cejne boye çiraxanî ’aleme
ya agirî le ’umrî şîta çû kujayewe
’er’er le lencedaye le řeqsaye serwekan
bergî çemen le řengî zimuřřud kirayewe
xeyrulxelef nîhalî le cêdaye sewz û teř
darî be befir û badî zimistan şikayewe
guł destî yasemînî le milda be şermewe
fermûy zemanî bulbule ca bête kayewe
wa têdegem le bezmî çemenda çiraçîye
lale ke řonî şewnimî kirde çirayewe
bo gerdenî hemîşebehare ke zilfîye
’uqdey demî sîyahî řeyaḧîn kirayewe
qetranî tê tikawe eger daẍî dił nebê
ya surmeye be dîdeyî nêrgis geşayewe
lîmu qedeḧ le çawî tirince ke noşî kird
bedmest û serkeşe beşî xurma nemayewe
hengamî wesłe şest peř û mîna beyek egen
perdey zefafe qews û qezeḧ řakşayewe
gerdin keçe wenewşe le zenbeq selam eka
nîlufere be qehqehe lêwî kirayewe
bûkane erxewane le tarayî pembeyî
xwênî diłî be ẍemzeyî nesrîn tikayewe
çetrêkî bê bere ke dirextanî narewen
xîwet ke dûbere nîye sêber be layewe
giryey ’îneb be baweşî badamewe dełêy
tîflêkî şîrexore beber memkî dayewe
her ’etrî bîdmişike nesîmî seḧer kedê
ney dête řeqis û lence dexate semayewe
xwênî emende germe gułî ateşî seḧer
lu’lu’î şewnimî le meraqa twayewe
pestî murade ḧîkmete bałayî şořebî
wer ne cwane qametî bo çî çemayewe
kew kosarî girtuwe seḧraye meskenî
hudhud be tac û ḧacî be şan û ’ebayewe
tebrîkî sałî tazeyî baze miradî kund
hatote der le xełwe be řîşî řyayewe
ḧemdîNasnava edebî nebê xulase be cem’î xelayqa
’umrêkî taze lezzetî taze beşayewe