şemał bo lay leyl şemał bo lay leyl
Li pirtûka:
Dîwanî Kemalî
Berhema:
Kemalî (1886-1974)
2 Xulek
513 Dîtin
şemał bo lay leyl şemał bo lay leyl
şemał dexîlim biço bo lay leyl
bo lay leylekey bê wefa bê meyl
pêşkeş ke namey derûn le xem keyl
biłê ey azîz şoxî bê peyman
bê şerit û mirwet bê wefa û wîjdan
mecnûnî şeyday herzegêleket
derûn le xem keyl şêt û wêłeket
da’îm her ełê be peroşewe
be diłî zwîrî piř xuroşewe
gyanekem xo min be řoj û be şew
nasrewm da’îm bê xorak û xew
le ber dergaket heta beyanî
esûřêmewe bo pasewanî
bo berdebazî ser řêgat serim
bo ferşî berpêt diłey be nerim
da’îm amaden be arezûy gyan
heta pêt negat zerer û zyan
toş keçî ta bê meylit kem ebê
diłim dûçarî derd û xem ebê
ne řûyekî xoş ne wefat heye
tenha her cewr û her cefat heye
minîş wa diłim le totewsawe
meyle germekey ewsam nemawe
emca kê bîkat şew pasewanî
le ber dergaket heta beyanî
kê diłî let let bikat wek şane
ke pêy dabênêt em qije cwane!
min řizgarim bû le derd û cefa
to zyan ekey yarî bê wefa