hełbestî peşîman
Li pirtûka:
Beheşt û Yadgar
Berhema:
Goran (1904-1962)
1 Xulek
2649 Dîtin
kifre lay min le yar řencan
pêy lê enêm ey zuhrey cwan!
herzegoyîm kird herçîm wit,
wa ew çiłkem be firmêsk şit,
be firmêskî peşîmanî,
ey zuhrey naz, zuhrey cwanî!
min jyanim, gyanim, hestîm,
hîwam, tasem, şadîm, mestîm,
bîrim, hoşim, herçîm heye
behrey cîlwey ew zuhreye
keřûy lê nîşt gerdî şî’irim,
hey cwanemerg xom! hey bimirim!
ey řûnakîy řêy baweřim!
xway beheştî diłî teřim!
qîbley ’eşqim! hoy awazem!
hêlaney hełbestî tazem!
çon etwanim biřencim lêt?
hey xak beser! însanî şêt!
to bî zerdexeney çawit
lêwî be ’astem torawit,
to bî sipyetîy şan û mil
le ’astî řûtî û yexey cil
to bî bestey řoyştinit,
lewḧey řesmî danîştinit
to bî bebîntirîn neẍme:
şiłpey maçî ew naw deme!
to bî hemû cîlwey cwanît:
lêm xoş be, diłim řencanît!
ey zuhrey naz! zuhrey cwanî!
gerdinkeçî çaweřwanî
westawim sa diłim xoş ke,
şî’rî pêşûm feramoş ke!