hîlakîy canî bîmarane emşew
Li pirtûka:
Dîwanî Salim
Berhema:
Salim (1800-1866)
1 Xulek
955 Dîtin
hîlakîy canî bîmarane emşew
syeh wek tuřřeyî yarane emşew
le çaw eşk û le dił ahim birûn dê
dełêy tofanî ba û borane emşew
le nusxey mûte ya te’sîrî bextim
cîhan yekser wekû qetrane emşew
le gwêma dengî deqqulbabî dił dê
xeyałî diłberim mîhmane emşew
bînat na ’ehdekey zeḧḧakî tazî
le tuřřet mû be mû marane emşew
le meylî serd û qehrî wek semûmit
le baẍî dił gełařêzane emşew
le germîy dił gułî şadî werîwe
şikofey ẍem lenew xendane emşew
şebeyxûnî nîgeh qel’ey diłî girt
becuz ẍem her çî bê tałane emşew
be ummêdî beharî wesłekey to
le hewrî dîde her barane emşew
leřûy ’eksî xeyałî le’lî lêwit
duřî eşkim wekû mercane emşew
lelay salimNasnava edebî eger ekle û eger şurb
bebê to dûr le to sindane emşew