ho kakî şwan gwêm lêye lew bin dare
min û şwanêk
Li pirtûka:
Dîwanî Bextiyar Zêwer
Berhema:
Fayq Zêwer (1908-1952)
2 Xulek
971 Dîtin
ho kakî şwan gwêm lêye lew bin dare
ewî eyłêyt nayłêytewe dûbare
bew awazet mêgeleket serxoşin
sermest eřon eleweřên becoşin
goranîyeket diłdarîm ecûłênê
lerey dengit tasey dûrîm bo dênê
xozgem be xot ke le şaristan dûrî
serbest û diłpak û şad û řû sûrî
dyare pencey gerdûn le ’astit kołe
bo xot cêgat nizar û şax û dołe
bełam bo ême pencey wa dirêje
letaw derdî serî ew serman gêje
car car serman ebate jûrî asman
keçî nakaw imanxate naw zîndan
be keyfî xoy emangêřê be ’erda
kes natwanê neřwa û şeqamî berda
cîhanî lê kirdûyn be koşkî řengîn
jyanî bo kirdûyn be şaney hengiwîn
hemû le dûyan wêł û sergerdanîn
tamî tamîman eda û pê nazanîn
minîş herwa bo şwên awatî gułgûn
sermî cencał kirduwe xulyay gerdûn
le bedbextîda kewtûme kotełko
le dił pestîme wa hatûme lay to
ênistaş tikam emeye biray gyanî
pişûyek be le ahengî goranî
bełam înca şimşałeket derbêne
fûy pya ke wimamostayî xot binwêne
dengî şimşał wekû wijey bay gułzar
tefir û tûnay eka pestîy diłî zar
dengî şimşał mosîqay kurdistane
ke gwêy lê bigirim bo derdim dermane
ey kakî şwan êcgar derûn zuxałim
çaweřêy dengêkî berzî şimşałim
lew ahengey ke mel řabwestênê
lafawî şadîş bo hestîm hestênê
bezmêk lêde pestîy jyan û gerdûn
lenaw diłma biba biřwat seringûn
kakey gyanî tuxwa wa çaweřwanim
qurbanit bim zûke minîş mîwanim