şewêk nawcergî asman řoşin bê
awatî şewêk
Li pirtûka:
Dîwanî Bextiyar Zêwer
Berhema:
Fayq Zêwer (1908-1952)
2 Xulek
797 Dîtin
şewêk nawcergî asman řoşin bê
wek qełay merdî dost û dujmin bê
estêrey asman be cirîwecrîw
pirşing bigirne kej û doł û şîw
bûkî mang le kel çaw hełbihênê
tirîfe tirîf řûy xoy binwênê
car car le nakaw kizey bay şemał
bibête hawřêy sayeqey samał
gyanleber lejêr taray şewa bê
sercem le girme û pirxey xewabê
awatim waye legeł nazdarê
herdû yek bigrîn lenaw gułzarê
kam nazdar ewey eger pêy şadbim
le bendî xem û xefet azadbim
wekû dû diłsoz heta beyanî
sikała bikeyn be şadmanî
leser mexmełî gya û sewzełanî
şewnilxun kêş bîn bo kameranî
şerabman ’etrî peřey gułan bê
saz û semtûrman dengî melan bê
mezeman maçî lêwî nazdar bê
perdaxman pyałey çawî diłdar bê
leberdemmana xuřey řûbar bê
le çawî mestî hestîm lê dyar bê
ay çende xoşe lay minî hejar
ew şewe bo xom ejîm bextyar
serim kełkełey jyanî nabê
diłim arezûy cîhanî nabê
samanî zorim nayete berçaw
bîrim dûr ebê le xeyałî xaw
sa felek xo to xoşît heye û êş
helêkî weham bo bênere pêş
ba şewêk le say toda wek şabim
tûşî awat û berzî hîwabim
bełam sed efsûs bo toy nalebar
řegî pyawetît nabziwê yek car
kewate tenya řêy řast û guşad
mirdine bimka bew awate şad
ta ewsa gyanim le sizadaye
jînî gyan lewê cûtey hîwaye