ke seyrî kurd ekem wa tê egem kurdêkî xinkawe
Li pirtûka:
Dîwanî Bextiyar Zêwer
Berhema:
Fayq Zêwer (1908-1952)
2 Xulek
517 Dîtin
ke seyrî kurd ekem wa tê egem kurdêkî xinkawe
be dû kes kuştûyane û naştûyane û xwênî fewtawe
eger bawer eken ey hozekem lay min bebîrî xom
lepiř dête derê lew goře êsteş gyanî tya mawe
dese û xencer lepiř hełmet dehênê herweku zîndû
řuwew dujmin eçê ẍedrî lemewpêşî leber çawe
eger hoşî le serda bê ezanê dujminî kêye
heqî xoy lê bisênê wek ewan kirdyan le dû lawe
desa kurdîne ta firset le destaye û nekujrawin
legeł yek yek girin dujmin hezaran dawî danawe
gehê kuştin gehê yexsîr gehê hîcret gehê zincîr
gehê sêdarew û top û tifengî bot ḧeşar dawe
le agirî daẍewe kuştarî toye taku luristan
ser û mał û wiłatit lay em û ew biłqî ser awe
eme ḧałî wiłatî kurd û kurdistane şew ta řoj
keçî gewre û biçûk kemterxemin bem ḧałe şêwawe
werin wird ta dirişt herwek bira bîn dest le desta bîn
le pênawî yeka ser dabnêyn hêzman heta mawe
wiłat awa bikeyn, pêşřew çiray ’îlim û me’arîf bê
senayî’ fêr bîn ewsa ełên kurd xawenî nawe
heta ême le cehla bîn ’edûman her le şewninaye
me’arîfman bibê dujmin bedestî ême kujrawe