kirdey zemane birdeyî lawçakî tya nîye
temaşayekî zemane û ehlî zemane
Li pirtûka:
Dîwanî Bextiyar Zêwer
Berhema:
Fayq Zêwer (1908-1952)
3 Xulek
663 Dîtin
kirdey zemane birdeyî lawçakî tya nîye
dûn perwerêke řast û řewanî lewa nîye
wek payeberzî êste benûkî qełem nîye
îqbał û dewłemendî beřenc û du’a nîye
kake benan û xwanî zeman desxeřo nebî
nanêkî ew qiřanê eka bê beha nîye
wa çake têk neçît û hewat berz nebê bira
wextê serit bixate sema bê tema nîye
dił řagre xerîkî xirape û bedî mebe
gyan ba nebê nimûney îşt fena nîye
namrê ew kesey ke çakey cêhêşt leser zewî
mirdû kesêke kirdewe û îşî ça nîye
perdey zemane seyre le fîkir û le sînema
wêney şirît û dîmenî naw sînema nîye
dwênê řeza řezayî çi sûk bû betacewe
îmřoş řezay çi qurse ke dû řoje şa nîye
řengêkî řiştuwe felek emiřؤ be’alema
naçêtewe çi biłḧe řeş û pîsî wa nîye
çake nemawe ’ehd û wefa buwete giftugo
herkes ebînî bêne ełê carê ha nîye
’alem ebînî hełpeyetî û pare moł eka
têrbûn nemawe, swałkerî êste geda nîye
zorin lewane baxełî piř qerz eka beřoj
çaw birsêtî le çawî jin û pyaw cya nîye
ay çend bira û biraderî gyanît heye ke bût
paret nebê biraderîy û merḧeba nîye
hawxiwênî xuwete dawî wehat bo enêtewe
tya derneçî bizane birate, bira nîye
bawer meke bexzim û kes û dostî diłfiřên
tengane bête pêşewe xizimit lela nîye
ta şik berin beřast û çepa małeket exon
katê nebê le dûr û nizîk aşna nîye
bawik minałî xoy bekerî suxre da’enê
ewladekeş le ’astî ewa bê hera nîye
çakyan enasim ehlî zemane le xîlqeta
her çaweřwanî çakeyekim řûbda, nîye
ew pyawe kwanê destî sexay ’alemî egirt
însanî êste şermî le xełq û le xwa nîye
her fîtneyî û diroye le beynî em û ewa
diłsoz nemawe sêberî ’edil û wefa nîye
wa çarenûs ke êmey nûsand benasewe
carê çû çarey le desî to û mina nîye
tif lem jyane çunke weha dê û beser eçê
tif lem cîhane cêgey ’eyş û selma nîye
lem çerxî bedřewşte xudaye hezar eman
em řêye çewte řêgey ehlî hewa nîye
fayqNasnava edebî dexîle tûşî tełey dehrî dûn nebî
řeḧmî bekes nekirduwe, bo toş weha nîye
çak be û řefîqîy ehlî zemane meke û biřo
řojêke kes nemawe biłên bê xeta nîye