ew kesaney gałte bem kurde biken bêca eken
bo řojî řeşî şeşî eylûlî 1930
Li pirtûka:
Dîwanî Bextiyar Zêwer
Berhema:
Fayq Zêwer (1908-1952)
2 Xulek
572 Dîtin
ew kesaney gałte bem kurde biken bêca eken
terkî adabî miruwet, fîkirî bê me’na eken
qewmî kurd asarî çakey zore, te’rîx şahîde
negbetî řûy kirde ême boye îstîhza eken
namdaranî wiłatman geh le şerq û geh le ẍerb
cunbuşî şêranew û tesxîrî bê hemta eken
xo kerîm xan û selaḧeddîn û şahanî beban
lapeřey te’rîxî kurd wek kaẍezî beyza eken
qehremananî wetenman bo biłindîy xakman
mil be sêdarey biłindî turkî bê perwa eken
zor nîye xom dîm řijabû xwênî lawanî weten
herweku coga leber derkî sera ḧaşa eken
ême ewladî ewaneyn tê bigen ey dujminan
ḧemleyî şêraneman her mawe yaxu řa’eken
arezûy ferdêkî mîllet waye bo xakî weten
xwênî biřjê herweku pêşû şeř û di’wa eken
ey weten bê ẍem be her tołet esênin lawî kurd
’ehde nawestin heta em wacbe îfa eken
xwaye bitbînim weten xakit bexwênî dujminit
řengî sûr bê çunke wa fîtne û cedel berpa eken
mutme’înnim namrî ba cestekeyşit xeste bê
her ebê ew řoje hełbêtin ke ałat wa eken