sewzî kał
Li pirtûka:
Guɫ Estêre
Berhema:
Kameran Mukrî (1929-1986)
1 Xulek
646 Dîtin
ey gułî sûrî baxî gyan
le şî’rî sewzî kałî cwan
gełay parawim bo çinît
to îlhamî şî’rî minît
le tavge le kejî befrîn
zerdepeř, qełebezî zîwîn
xunçey ał, çiroy teř, paraw
şewnim, birîskey xoretaw
şî’rî şîrînim bo mijît
tenya toy le diłma ejît
çîm zanî le wirdekarî
le wesfî cwanî diłdarî
hemûm kird be şî’ir bo to
be honrawey geş wek pişko
lewe zyatir hîç nazanim
boye siste şî’rekanim
meger çaweřê bî cwanî
pîrit bikem be goranî