bo şajne cwaneke
Li pirtûka:
Dyarî
Berhema:
Kameran Mukrî (1929-1986)
2 Xulek
1173 Dîtin
şajne şox û şengeke
diłdare cwane mengeke
melî peř û bał hełwerîw
ey ẍemgînî awat bezîw
ey wek pirşingî xoretaw,
perçemî zerdî nerim û xaw
çawî geş, lêwî teř, gona
ya řingî kał le gerdina
nimûney cwanîn, geş û cwan
bo sîs bin, kiz bin be giryan?!
nameket geyşit, teřubiř
be henasey germî wek giř
wişkim kirdewe ey diłdar
xwênmewe henisk û cexar
le hêlaney ’eşqî diła
ke tasey germim ekuła
nemdî zyatir le wêney to
řûmetî geş, çaw û biro
perdeyekî zerdî matem
her wekû twêjałêk le tem
kişa bû be ser řûy geşa
na’umêdî le baweşa
min tom xoş ewê ey perî
bełam ax, jinî cwan megrî
bałay to gerdinî nerim
serincî wird tasey germ
lar û lencet, zerdexene
lerînî ew jêrgerdine
cwanin, bełam ax jinî law
le paş çî!! ey egrîce xaw
taze bûyt be melî qefes
boçîme name... îtir bes
namewê min to lew kuře
dagîr kem diłî zor piře
le xoşewîstî toy şîrîn
le diłsozî – ey nazenîn –
ey gułî baxî bêgane
bese em ax û giryane
namewê lemewdiwa hergîz
bigrîm wek hewrekey payîz