qurban çem çemş we to ne keften
Li pirtûka:
Ew Şî’raney Dirawnete Paɫ Mewlewî
Berhema:
Mewlewî (1806-1882)
1 Xulek
811 Dîtin
qurban çem çemş we to nekeften
bełam new sawe namit şineften
arezûy we germ dîdar toşen
pey ferday xidmet nezruliftoşen
ta êste çend car tedbîrş kerden
teqdîr řîşey ew ce bêx awerden
bend we îḧram bend ke’bey ḧizûren
řa nimezano bełed zerûren
mewaçan hîmmet pey bełed xasen
řasşan ferman, ełbet her pasen
hîmmet ta ser bo çem beyo we lat
ser serbiłnid bo, çem we xak pat
er sed waweylan hîcran bałat
meyneten dûrî tozekey pałat
bełam çun kerdey gerdiş çepgerd
gerdelûl çerx hîcranit hor kerd
řezam we teqdîr, dił dam we řezat
ten kerdim siper tîrekey qezat
wiyerden fesił wesłekey caran
ama û lwakey seba û êwaran
êste pêç werdem çun mar kuşte
meqirçû wêney daney birîşte
seřseř hîcran hor kerden pey dił
her tozim berden menził we menził
ce dûrî bałat nałe nałemen
ama û namakem ełław ałemen