sermewday qełem ḧekakekey ’eşq
Li pirtûka:
Ew Şî’raney Dirawnete Paɫ Mewlewî
Berhema:
Mewlewî (1806-1882)
2 Xulek
765 Dîtin
sermewday qełem ḧekakekey ’eşq
neqist ne ’eqîq diłda kerden meşq
zihûrit kerden ne meẍiz û peyda
çun quwey neş’e ce ’eyn meyda
temam azam memlûy meyl ton
lêm ḧałî nîyen hestî wêm ce kon
ziman tewbêx nimekeroş pak
er sed tîẍ beyo sînem kero çak
ka’înat ce lam gird teswîr ton
er banen, er deşt, er şaxen, er kon
mer sersiman û cewrekey qeza
’ekist ne bînay cestem kero cya
werne ta ḧeyat ’aryetim menden
ecel binçîney nesîb nekenden
hoş û xeyałim daym ce lay ton
wîrdim zîkir ton er şewen, er řon
taqet ne kanûn ’esîq ciger
kerden we eksîr derd pir xeter
ne qabley dił si’ûdiş kerden
menfez dîdem nîgaş ne derden
kerdiş we teła mis řuxsarim
byen we ba’îs germî bazařim
her kes mewîno meşnasûm derdim
mezano ne ’îlim wefada merdem
xakim nem dawey mewten ce ezeł
sebten ne kellem yek řengî eweł
payedarî ’ehd xasey zatmen
serbazî pey dos ne sîfatmen
serf řay yaran ta gyan bo baqî
umêdewarîm dewrey ton saqî
pêm der na falc qeł’ ten bero
naserey qełbim we xals kero
řewac bazař sehba noşan bo
daxił we meclîs xerqe poşan bo