seday hay hîlal řozedaranen
Li pirtûka:
Ew Şî’raney Dirawnete Paɫ Mewlewî
Berhema:
Mewlewî (1806-1882)
1 Xulek
748 Dîtin
seday hay hîlal řozedaranen
mang diłtengî badexaranen
kûrey terawêḧ sofyan germen
seday çeng û ney řendan we nermen
mizgyan me’mûr wazen derwazan
zahîdan we zîkir wêşan menazan
meyxane wêran derga nebesten
mestan cam saf meyşan we desten
hawarmen, mangim lê nadyaren
ne jêr perdey tarda pêwaren
yek sya hewrê řûş girten we tem
birc ew bircimen nime ginom we çem
saqî sa ce qîn perhêzgaran
pyałet piř ke ce mey çun caran
to beyo pyałey mest dû dîdet
binmane hîlal ebroy xemîdet
nîga der we naz we yaranewe
biřêze we dem mey xwaranewe
murîd û sofî xerqey řya poş
min û damney pak pîr mey firoş
herkat çenî dos wêman ne meḧşer
we sed arezû ser barîn ew ber
bizanîn kêman řage gum kerdîn
kêman maye pûç kêman sûd berdîn