bêyne ser basî îctima’îman
Li pirtûka:
Dîwanî Pîremêrd
Berhema:
Pîremêrd (1867-1950)
3 Xulek
775 Dîtin
pîremêrd lem hełbestey xwareweda basî çaxanekey naw mizgewtî gewrey kirduwe:
bêyne ser basî îctima’îman
exlaqî ’esrî zidde bo îman!!
her lew cêyeda biřo çayxane
ke çûy danîşe û ewsa biřwane
şeşî syasî û sê û çwarêk melan
le dinya û xełkî ’alem tewellan
her ḧikumetêk ke basî bikirê
destibecê nawî jinî ebrê
çe řayeyekyan dekewê ewan
bibin be segî naw mułkî xoman
fennî ewrupa hemûy çawbeste
felsefe û ’îlmî felek hełbeste
bête beramber melay pênciwênî
seg eřyenête dîn û aynî
syasîyekanman hênd be’înwanin
xełk be mexlûqî xoyan ezanin
de’way milûkîy kirmî kelleye
herkamyan hestê gurgî geleye
be xohełkêşan be bał efiřn
utêl macsitîk be xencer egirin
bêyne ser basî çayxanekeman
hode şiřêk bû û taqî ber heywan
çayçî kêrî xoy kirduwe be pilar
bê beşî naka mişterî û řêbwar
bew ḧałeşewe maye sûtawe
çay be dû pûle û parey nedrawe
defterî beqed gełay kûleke
nûsîwêtî wek qerzî cûleke
her eşîřênê û kes gwêy nadatê
dêtewe jêr bar le paş se’atê
hendêkyan tyaye xoyan û gunyan
wirdeşatrî nagate gunyan
çaweřêy mamen be zêwyewanî
çwar ’aney deskewt tê fikirît hanî
enca seyryan ke şeře teqsîme
têk gîran le ser pêse û santîme
nebim be ’ane û be mame bidrêm
her ew se’ate çwar pare ekirêm
wezîrî ewqaf şêx eḧmed dawid
çaxaney daxist çayçî nabud
witî çayxane le mizgewtaye
ewaney lewên leşpîsyan tyaye
ḧukim û firmanî wezaret derkewt
şer’en memnû’e leşpîs le mizgewt
hey destit be gun me’alî wezîr
toy bo ḧikumet xawenî tedbîr?!
xot le mizgewta ta pêgeyştûy
deng waye kewa pakyan nehêştûy!
bew sermayeye êste wezîrî
geyşitye payey hengamî pîrî
daxî serdaxan şêxî mendeboř
řîş dûkeławî, çakî cibeşoř
her sałî małî sê mang mîwane
be ḧukmî şêxî bo ew terxane
hendê car řûy xoy be şał epoşê
le gwê agirdan çiłim heł’elûşê
herçî byewê xoy daway eka
neydeytê dełê wa towim tika
bîstûme hendêk le ewrupayî
bo teḧlîlî řoḧ xełkî gedayî
bergî swałkerî depoşin deřon
nayannasnewe leber çiłk û řon
yaxud hendêkyan mubtelay dizîn
şitêk nedzin be řeḧet najîn
bom teḧlîl nabê řoḧî em zate
ke le naw xełka welî sifate
hêndet zeḧmete pêt biłên şêxe
gurîsêk řaxe û em şarey têxe