giftar dir kinyey ḧisîn abin minsur ke çira «ḧilac» gwîndiş
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
1001 Dîtin
yek ce «ahil alilhErebî» ḧellac meşhûr bî
îsimş şêx ḧuseyn îbnî mensûr bî
yek řo ce mestî tecellay ḧuzûr
ce suqan şehir hengam ’ubûr
dîş yek pîrezał menało be zar
zelîl û diłgîr meney keftekar
řeḧimş eser kerd, persa: pîrezał!
’îcizit ne çêşen, beyan ker eḧwał
’erz kerd: fîdat bam piř îḧtyacim
demêwen muḧtac, merdê ḧellacim
be qeder kefaf wêm û etfalan
xirîdim kerden penbe çend batman
ne min darûn pa bişim pey ḧellac
ne ḧellac bey ca daro îḧtyac
şêx ferma qapîy ḧucre guşad ker
be penbey meqsûd to kem yek nezer
eger řuxset bo ce zat mennan
min pey ḧellacî bestenim myan
pîrezał pey şêx guşad kerd ḧucre
xermeney penbe kerdiş yeksere
şêx kerd teweccuh be dîdey zemîr
xêza ce penbe zîřey daru gîr
ne ḧucrey penbe berz bî zîl û bem
mewatî dûsed ḧellac bîyen cem
midra we pawe şêx saḧêb ḧał
ta ḧelacî bî penbey pîrezał
ce êd bî kunyeş faş bî ne cîhan
elqabiş ne ’am ḧellac mewanan
«feqêNasnava edebî» ne xarîc ḧîkayet kem ker
be ḧukim îsbat meqsûd meḧkem ker