swar şidin sirdar micaz bih ḧizur siltan dil û aqna’ nimudinş be silḧ
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
640 Dîtin
wêş hem swar bî be te’cîl û tab
yawa be ḧuzûr şay ’alî cenab
selam da be şa be feř û te’zîm
nîşt ne kursî bezim we bê xewf û bîm
be pirsiş germ şay humayûn fał
persa ce serdar firawan eḧwał
çitewren demax wezîr umûr?
supa salimen ce ferteney şûr?
hem kirdar to minş kerd medyûn
înşełłah ce feyz memanî memnûn
horêzawe pa serdar be gustax
bosa payey text da’îrey saçax
’erz kerd padşam supa seraser
ẍeyr ce dûrî text nedaran keder
wezîr be îcray umûr muştaqen
herçend pabosî şahîş meraqen
temam kerd teqrîr her beła û asîb
ta namey îblîs berawerd necîb
namey piřfisûn siperd be xaqan
metale’eş kerd neser ta daman
cewdima xaqan persa ce salar
ře’îtan çitewr çenîş dan qerar
’erz kerd mer ême bendey fermanîm
yekser ne umûr şa canfîşanîm
we’de te’lîqen be ḧuzûr şa
me’mûrîn be ře’î şay ḧîşmet pena
şa wat: me’mûrî pey defi’ mel’ûn
hem pey sułḧ û ceng tom kerden me’zûn
to çenî wezîr me’mûrin ce kar
be ře’îy wêtan herçî dan qerar
dûbare xêza serdar mecaz
bosa qedemgay şah ser’efraz