’irz agahî şidin az amdin ablîs û nuştin bih siltan dil
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
737 Dîtin
seḧerga wezîr serdar supa
’erzeşan perê sułtan kerd înşa
ha supay bêḧed ce şay emmaře
aman ba supay top û qumpare
supehdar îblîs wezîr ewla
aman ba ḧeşem nigîn û kula
merd mudessîs, bedxiwî bednezer
serdar meksur daro beraber
êden şaystey şe’in xedemat
muttelî’ kerûn şa ce waqî’at
herdû ’erzeşan yawna be mor
êlçî sitana ne řa kerd ’ubur
new teref îblîs weqit sub seḧer
horêza ne xew nîşt ne text zeř
serdaran cem bîn ce xeymey dûřû
ne umûr ḧerb kerdin giftugû
îblîs kerd guşad qapîy ḧucrey fen
ama be guftar bedxûy ehremen
wat be serdaran min darûn řayê
namey diłpezêr fereḧ efzayê
hem perê serdar, hem perê wezîr
hem nêş û hem noş derc bû ce teḧrîr
şarezam ce kar ’îşq mecazî
be zîb û zînet zû mebo řazî
be ḧusin melîḧ, be dîba û direm
be enwa’ lutif îḧsan û kerem
mekerûş řewan çenî xetere
xeterey ’eyyar mederoş tefre
herşew elxennas weswesey ’eyyar
řewan ko perê wezîr û serdar
hem supay wezîr cew ḧesar maten
ew ḧesar tewḧîd nefî û subaten
xendeqiş ta’et şewbêdarîyen
elxennas ce êd derdiş karîyen
mer hem be finûn ’eyaran kar
guşad ken terîq xendeq û ḧesar
weřoj xetere û weşew weswese
dewan den ce toy supay «ḧidseErebî»
sikey neng nam be sułḧ deym řewac
werne ba hîç new’ nimebo ’îlac!
serdaran yek yek aman be cewab
kerdişan senay ře’îş bê ḧîsab