şiru’ bih waq’eٔ alxinas
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
537 Dîtin
çenî mecruḧan zelîl û xeste
ser û dest ce zerb keder şiksite
çîhreş besten çîn xem xecałet
sîneş piř ne dûd ah zelalet
ce bîm te’qîb uftan û xêzan
nebî aramş her an û zeman
yek řo weqit subiḧ ce dûr kerd nîga
ama ne ’eyniş xeymey barega
mîhmaz da be esp, pa nya ne pêş
dîqqet kerd ne kar şêr bê endêş
zanaş ye îmdad wêşen bê guman
supehdar îblîs direfiş syan
nuqtey îḧtyat cewla bîn aga
dîşan ne řay çoł peyda bî supa
derdem be serdar supa dan xeber
dyaren ce gerd suya çun leşker
derleḧze ferma le’în ’enîd
be çend merd çenî xeterey pelîd
bizanan çêşen gerd syahî
eger duşmen bo zû den agahî
xeterey le’în çenî dilêran
yawan be supa te’cîl be dewan
xeterey pelîd nîga kerd be zûr
elxennas şêr şinasa ce dûr
pya bî ce zîn xeterey merdûd
şî pey elxennas weneş kerd sucûd
persa elxennas eḧwał pider
watiş salimen qelbiş ce keder
pey îmdad to wilş aman be ceng
řoşnî ce ’eyn ’edû ko be zeng
to pey çêş weytewr amay be te’cîl
minmano supat ce ’eynim qelîl
watiş: mepersa ce ḧał û eḧwał
supa text û bext yekser payemał