dir byan ’işq ’imumî û ’işq micazî û ’işq ḧiqîqî
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
3 Xulek
661 Dîtin
’îşq hem sê new’en yaran terîq
’umûmî darîm, mecazî û ḧeqîq
’umûmî mexsûs dinya daranen
herkes pey meraq wêş sergerdanen
şahan meraqiş mułk û supahen
me’mûran ’aşiq mesned û cahen
zuřřa’an be zer’, tacir be sûden
be’zêşan ne şe’in şuhret meqsûden
be’zê ’aşiqen be sewt ḧesna
be’zê meraqen be exiz û ’eta
er şah û geda ẍenî û derwêşen
her kesê ’aşiq be kesb wêşen
her kesê daro ne dił yek meraq
be’zê ne wesiłş, be’zê ne fîraq
her kes ce efkar wêş bîyen fena
cumle cesîmen be ḧubib dinya
mer êden ḧîkmet ce ehil dinya
yekser çun dinya nedaran wefa
fanîyn ce dinya çun řewẍen ce şîr
řeng řeng çun dinya herdem meden çîr
gurbey teb’işan tu’me ḧerîsen
megeswar meyyal her pak û pîsen
qehir û lutfişan nîyen payedar
ga tawis tel’et, ga mesmûm çun mar
ga xesmen çun xar, ga çun guł efşan
gahê zuşt řû, ga çîhreş xendan
ga ḧukmiřanîş ber ’emir û zeyden
gahê wêney min zelîl qeyden
«feqêNasnava edebî» çun heway dinya darîten
pey dinya daran herdem yarîten
esił ’îşq xassey mecaz û ḧeqîq
lazmen herdû ce hem ban tefrîq
giftar dir qisim dum micazî ast
mecazî cewher ḧubib muştaqen
ce qurb û umêd, bu’d û fîraqen
be ’uqdey meraq mebo mucessem
germî be ’urûq dił medo dem dem
be tedbîr wesił er nebî çare
ser medo ce dił ḧuzin û pejare
ewsa ’uqdey ḧuzin û fîrqet newazî
deng medo dehoł ’îşq mecazî
er nebî ce beyn qebîḧey ’emel
ekser be ḧeqîq mebo mubeddel
er teng zerf bî ne sewday efkar
be ’îlley cunûn mebo giruftar
îradey her kar xêzo ce mecaz
be’zê pey ḧeqîq mekero perwaz
mesmû’en mecaz zuleyxa û mecnûn
çitewr ce perdey mecaz bî bîrûn
giftar dir qisim sum ḧiqîqî ast
ḧeqîqî ce bab terîq guşaden
ce teqwa û tîzkar, ḧubib ustaden
dîde bipoşo ne «ma swî alilhErebî»
nebo xetereş ce ḧubib dinya
perhêz ko ne ekil, elbîsey ḧeram
hem ce lehu û le’b neřano kelam
ce qelb û zuban zîkirş medam bo
ba sewm da’îm, şew ne qyam bo
be dîdey xeyał teswîr ustad
ekser ewqat bawero be yad
zemîr saf mebo be quwey tîzkar
be mecme’ey fîkir ’îşq medo asar
’îşq ce xeyałen, ce ’îşqen fena
ce ’eyn fena ser medo beqa
ce sedef fîkir duřiř ’îşq peyda
ce ’îşq îcaden sedemey fena
meqam fena ama be ḧusûl
ewweł ce şêxen duwem ce řesûl
fena ce herdû nimana sebeq
qetreş be deryay ḧeq mebo mulḧeq
ewsa be teḧqîq mebo muttesîf
êden ’îşq her kes er kerdin te’rîf
her kesê me’yûs mułk terîqen
ew kes bê behrey genc ḧeqîqen
«feqêNasnava edebî» dił çun mest dinya û kederî
ce esił ḧeqîq hem bê xeberî