byan asamî û ’idid şahan
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
3 Xulek
561 Dîtin
fîtney ’ezîmen ceng nefis û řûḧ
mebo ewsafiş beyo be memdûḧ
ce lay be’zê «dił» text meqsûden
herkam nîşt ne text şah wicûwden!
eseḧḧiş êden sê şehryaren
her yek ba wezîr supa û serdaren
řoḧ û nefis û dił her sê padşan
ce mułk wicûd ḧukmişan řewan
îrade wezîr, paytext diłen
hem wezîr řoḧ ’eqił kamłen
wezîr nefsen îblîs le’în
ce umûr nefis her ewen mu’în
emma ce tîflî ta temîzîy kar
dił padşahen ce emir efkar
padşahîy dił pey sîlk mecnûn
ḧukimş baqîyen ce e’zay finûn
pey ehil şu’ûr ta ḧedid bilûẍ
padşahîy dił menmano firûẍ
«feqêNasnava edebî» me’rekey şahan ker te’xîr
ewsaf zemîr bawer be teḧrîr
***
wîs’et emlak ce tuḧfey zemîr
ce toy mumkînat nedaro nezîr
dił cewher cîsim hem cîsim canen
e’za be quwey dił ce fermanen
ce qewl ḧedîs qudsî ’eyanen
«qilb alimؤminanErebî» ’erş řeḧmanen
kerden řîwayet yek «wilî alilhErebî»
řoḧim ’urûc kerd pey heftem sera
nuqtey mumkînat yekser dîm we çem
nama ne ’eynim ’erş mu’ezzem
be seḧray zemîr wêm kerdim nîga
dîm ’erş çun ḧeres menmano new ca
teḧqîqen ce lay zumrey ’urefa
dił wesî’teren ce ’erş e’la
dił řewşen numay cewher řûḧen
dił pey her teref qapîş meftûḧen
cesed xak û dił gewher kanen
ten tarîk û dił şu’ley giřanen
ten ḧa’ît û dił qîndîl safen
’eksiş şu’lebexiş ne qaf ta qafen
dił nezergay ḧeq mîr’at zaten
dîdey dił delîl her meqamaten
îta’ey qelbî ce ḧeq meqsûden
teqway cesedîy meḧiz merdûden
dił qerîb zat ḧeyyî dadaren
dił qîbley wicûd kenz esraren
dił cam cîhan numay cemşîden
dił direxşindey meh û xurşîden
«feqêNasnava edebî» to ne dił nedarî xeber
êd xasen şerḧiş kerî muxteser
nefis şûm şa bo, wezîr îblîs bo
elxennas mu’în, hem mudeřřîs bo
şehwet ẍałb bo, dił sya tar bo
cesaret, ḧîrs û emel pêş kar bo
er zat mutłeq ḧeyyî řebbanî
ḧeyatbexiş řoḧ kewn û mekanî
be ełtaf wêş nebo mededkar
quwet do be řoḧ, nefis bikero xwar
wer nebî tewfîq nedarî çare
zelîlî ne dest nefis emmare
be tewbey nesûḧ wêt biker xelas
xelas ber ne çeng nefis elxennas
ḧeq pey her ’îllet xelq kerden dewa
tewbey nesûḧen deway her guna
bew şerit destigîrit pîr kamił bo
’îlim ledunnî ce laş ḧasił bo
«feqêNasnava edebî» ne xarîc henî meder dem
îqlîm wicûd bawer be řeqem
seḧray dił heşt xet, ye’nî heşt îqlîm
her îqlîm emîr wêş daro muqîm
her îqlîm daro şehir û qesebe
qeza û newaḧîş piř ne kesebe
her îqlîm pey wêş daro yek sułtan
zuřřa’iş bêḧed, supaş bê payan