byan ’inasir arbi’e
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
830 Dîtin
her çwar ’enasîr bawer be ḧîsab
ce xak û ce bad, ce ateş û ab
cesed xak, guş û çeşim û bînî û fem
hefit çeşmey aben carîyen herdem
ab goş tał û şoren ab çem
ab bînî turş, şîrîn ab fem
sefra û qehir û ’îşq xûn hem ateşen
nefis çenî fîkir bad serkeşen
bełẍem ce ab û sewda ce baden
mû nebat cîsim û ’ezim cemaden
’eqił îksîr û dindan gewheren
zuban direxten, nutqiş semeren
dił genc îman, e’za paseban
îblîs duzd û nûr ’eqłen nîgehban
ne mułk wicûd her çwar ’enasîr
çenî her me’den çun kerdî zahîr
tebi’ xak sakît, sakînen herdem
mezac abî xendan û xuřřem
çun badî mezac merd sewdayî
bê ebat ce kar, gahê be řahê
çun demaẍiş xuşk, peř kerd hewa
ekser cinûnî xêzo ce sewda
ce dehşet ’îşq û elem û teqwa
be ’îlley cinûn meban mubtela
er merd sewda teqwaş bî efzûn
meyawo be feyz ne camey cinûn
tebi’ ateşî qehirş zyaden
’enîd û ḧerîs zuban guşaden
ce pend û ce nusiḧ ẍeyr bênyazen
eẍłeb mubtelay ’îşq mecazen
er ateşî tebi’ teqwaş kerd delîl
mecazîş be ḧeq zû mebo tebdîl
ateş bî teb’iş çun mûsay kelîm
xeşimş zyad bî hem sehimş muqîm
ce ab řeḧmet yawa be tewfîq
’edem kerd fîr’ewn mecaz be ḧeqîq
pey herkes er xwast xuda bî mubîn
mecaz pey ḧeqîq mebo be mu’în
er ab řeḧmet nebo mededkar
ateş ce ateş megêro şerar
«feqêNasnava edebî» ha esbab zahir kerd beyan
bêxeber ne řemz umûr penhan
herçî hen řumûz kerdey elesten
gahê zuşt zêba, ga zêba zuşten