şatan

herê kîjê
semtûrî jê
le awazî kemanî dił
eşêwînê bestey bulbul
çon sazî ney
te’sîrî mey
le bo korpey
hetakû key
bikutî xurpey!
wek melî peř tetrekiraw
le hêlaney hetrekiraw
ke paş xezan
lenaw řezan
řapeřê gułî cwanemergit
biřwê be خۆێناûی cergit
bo heřeşey befir û baran
hełda le mêrgî beharan
řeş dewaran
wekû caran
bo tîmarî gestey maran
sařêjî derdî bêçaran!
ebê wa bê!
sał suřabê
şîwen û giryan nemabê
şatan le çema çema bê!
qefî zulfî le ser pîlan
têkeław be dengî şîlan
biřwa be guř
biçnê be xuř
mirwarî biřjê be hewes
bo sikałay bazin û des!
daway hîwa û awat bika
çaweřêy xorhełat bika
bo amancêk û pexşanê
le gułzarî kurdistanê
be şoxî poy erxewanê
bifřê be şen le zîndanê
bo (şatan) ê
xeramanê
kiçe cwanê
herê şoxî, ho ho kîjê
ba esrînî nesrîn biřjê
şewnim le gułzar bipirjê
(şatan) le bêşkey hełajê
keçî xunçe her geş ebê
her diřkîş serbeheş ebê!