nazî leyl
Li pirtûka:
Karwanî Yar
Berhema:
Celal Medhet Xoşnaw (1934-1998)
1 Xulek
779 Dîtin
gułî řuxsarî jêr perdey matem
pirşingî cwanî dyare be astem
nîgarî geşî jêr peçe û ’eba
wa sema deka legeł bay seba
bo xendey çaw û bizey lêwî teř
diłî bêçare eka şeyda her
katêkîş ke dê le dûr bay şemał
la’eda řoxî çaroge û peşmał
be dyar ekewê řû be zulfî xaw
wek xunçegułî piř zar le xunaw
gułî beharî taze pişkûtû
lejêr sêberî şalûr bê xewtû
katêk ke laçû çaroge çemkî
hate der gułzar: sîng be dû memkî
dû memey piř û xiřî wekû go
westabûn leser bałay wek pişko
ew bałay kewa le çeşnî ’er’er
eçema legeł şine bay seḧer
ke têdepeřî ehate hejan
wekû şepolî jêy sazî keman
her be muzîqe hergîz be lence
ke eygeyande ser erz pence