wişe gułekanî pêşmergey şî’ir

êwareye.. çawî sûrî řûnakî xor
buxçey zamekanî emřoy
le koçêka pêçayewe
êwareye û, dîsan şeře teqey řojman
beřê kird û, ew şewey ke xoşman nawê
bo baweşî îsraḧetman řijayewe
qaçî siřman.. be pêławêkî quřawî
bo em gunde hengaw denê
10 pêşmergeyn
şew mîwanî xemî mizgewtî em gundeyn
ta cûtyaran.. bo gyanî serma birduman
hendê germayîman benêêwareye.. espî peroşî lawî dê
be guř tawî xoşewîstîn
bo janî gyanman
«çawim kwêr bê»y dił giryawî hejarekan
korsî sařêjî derûne û
dyare, dyare řencî êmey pêşmergey sûr
lem dîhatane pêdega
êwareye..
xełkî ladê
werin çawman
le xurî gyanbazîtana
dinyay birsîyekan debînê…
werin diłman
lenaw xwên û birîntana
giřî tînûy cengî gel dadegîrsênê