zengî şořşî kirêkaran

aw û giłî em siruşte
bo pêwîstî xendey mirov
dekeyn be honrawey jyan
pêstî esmerî êmeye,
berd û xiştî xanwî berzu, şeqamî şar,
deşêlêt û areqey xwên
hełdeswê le gyanî dîwar
êmey hejar, be teşî û tewnî bîrî jan
pêst û xurî, le gargey dest û penceda
kewş û bergî ademîzad berhem dênîn
hêşta nîwey camî řenciman
bo mandiwêtî leş nasênîneger êmey belengazan
şwanî hemu pezî gya bîn
goçanî mêşkî giř girtuş
xo detwanê
fîwdał bo yar hełgirtinî řê řagrîn
êmey hejar, êmey aza
xo detwanîn xuřey rubar, gewałey qîn
biřjênîne ser şêre befrîney zemîn
êmey hejar.. demanewê serkirdayetî gel bikeyn
kutek bedest, debê herdem le serkewtin diłnya bîn
êmey nebez, pêşmergeyn û
debê le çekdaranî dwê ême cya bîneger ême, řewtî hemû zêrabekan
lenaw bořî jêr şeqama bixinkênîn
çiłk û gerdî kołanî şar
befirbendî geskî têła
areqey swałker biřjênîn
çon natwanîn, çewsêner wek pez lêxuřîn
çon natwanîn, xwênmijî gelman serbiřîn
weku çon bîr, be nawî mêşkî êmey tînû, agir degrê
wek çon gulle benaw luley kiłaşnikofa řêgey debřê
çon birsêtî y nan dîl deka û
lîkawî gede diřjênê
waş dest û tifengî ême, be xwênî sûr
yasay dewłet, le borjiwakan desênê
dewenî giř, eger lenaw herçî zewî û kêłgekanî
çewsanewe û azar heye
be ho hoy deng û ḧeyranî ême biřwê
ger tebarey herçî xemî jyan heye
êmey sepan dirwêney keyn
eger destî cutyarî dê
be şinebay xerman biswê
boçî herçî tembeł heye
swałker nebê
boçî herçî mandu nabê û ḧesaweye
le jêr destî řenicder nebêêmey hejar... wa poła detwênînewe
herçî çekî qusîş heye
řencî ême barî deka
lemřo bedwa hemû areqey řijawman dênîneweêmey hejar…êmey aza… wa poła detwênînewe
herçî xemî qursîş heye
beser pirdî ême deřwa
ey bo xwênimj gulle bêt û
lenaw luley zamî xoman,
têman xuřî!
boçî ême, êmey birsî, areqey çaw bixoynewe
bo ser lenwê, bo řapeřîn
bo şořşî yekcarekî nejyênewe
êmey karger, çak detwanîn
nałey hejar, xemî komeł
le şewî tun.. bo hêlaney hetaw berîn
êmey hejar, çak detwanîn, le kêłgey xwên
le kanî newtî agirîn
le sengera.. dest lemlî soşyalîst bîn
çak detwanîn, le mirdinîş yeksan bijînêmey hejarî pêşmerge kiłaşnikofî birsêtîman
topî tînûy dîlêtîman
dełê: ałay řizgarîman, ba dijî çewsêner hełkeyn
le xakî şořş û tifeng, herçî kargey sûre
le kurdistanî kargeran
deba biřoyn.. biřoyn legeł awazî ceng