firmêskê

le’asoy çawî piřşingidar
le’awatî geş û dyar
ledû lêwî teřî dwa maç
lecut memka leserya «xaç»
kehełbezî be seryana
xoy muçirke lenaw gyana
ledił û çawî şermawî
kebo diłxiwazî damawî
henasey sard hełdekêşê
dû, destigîran, cergî dêşê
le endêşey diłî piřsoz
kekewtote nêw teputoz
alewane... we le hemûyan
bo yadî xoş, kořî jyan
wa dił degrî, bebê oqre
carcar cestem demdatefre
zor diłopî xoşewîstî
xoşewîstî kes nebîstî
hełdeřêjî bo cogey xem
ta řamałka, dirkî sitem
eger gyane.. hatne lay tom bê tirs bê
maçî kułim û lêwî jyan.. bê pirs bê
katê keto,
bałit girt bo geştî aso
katê witit:
ba serbest bim minîş boxo
ewsa gyane.. zor behîwam
rizgar debîn
lekoşî germî yeksanî
des lemil yek..
lejyana, bextyar debîn