mirdin legořî serşořî dejît

katê agir... le awpijên nedetirsa
xermanî řeş...
xîzî gerûy xistibuwe naw deryay tirsa
estêrekan... awazî şewyan demjî
řûbarekan: kenarekanî xoyan xward
gułe genim... denkekanî da be killo...
dasyan be zistana sipard
geřamewe, le lay mirdin geřamewe
*
pêtan biłêm... mirdin kêye!
mirdin, mirdin... bûceyeke bo pûl degrî
mirdin çałe, bo gyanêkî zîndû degrî
qandirmey kartonî tirse
çon diz demrê û
be ser şanî xełka defřê
ay çend seyre...
pêş ewey nawyan jyan bê
zor kes nawyan lênra mirdin
*
pêtan biłêm mirdin kêye
mirdin sike û le têrîda deřşêtewe
mirdin gułe... le serşořî
wekû bûk degeşêtewe
ay çend seyre... pêş ewey nawyan jyan bê
zor kes nawî lênra mirdin.
*
ke lay mirdin geřamewe
dûkanî şew... mumî karwanêkî damê
xêra witî... kwanê zamê... kwanê zamê
wek birînî şarî agir, qûł û kuł bê
hawarim kird... kwa guł wek le
zewî xwêna řwa (guł bê).
*
ke lay mirdin geřamewe
afretêkî zig piřî lat.. xoy dekêşa
giranîyekey... tifengêkî piř fîşek bû
le jêr like zeytunêka, giřî dexward
lepiř dîtim: minałêkî genim řengî xoy letek bû.
*
řaken řaken.
temenî xem wa geyşte tafî pîrî
denke tesbêḧ le ser zamî xoy dejmêrê
axo kê ye... le tarîkî bang řadêrê
tikîtî qîn... le pasî aştî herzane
le bazařî řencî hejar
xoşewîstî mezat deka
peykerêkî bał şikawman...
xełat dekat.
(le kořêkî edebî xwêndirayewe}