kê leserberzî betementire

gułî xozge...
çon bo çiłî darî jyanî degeřê
ya çon se’at qurmîşî xoy lê win buwe û
areqey dwakewtin desřê.
gyane minîş wêłî çawtim...
sed ewende lêt degeřêm
*
befrî lutkey xemî asman... le baranî xoy detirsê
şewî emřoş le sibeyney beharanî xoy detirsê
minî giřîş... be xoşewîstî to hełbûm
lewetî hem... xwênî dił le boryekanî xoy depirsê.
xoşewîstim... gulle û birîn dostî yekin
girye û xoşîş... jan û nałe û hestî yekin
pêkenînî lêwî wişk... deřjête naw...
çawî giryaw...
xoşewîstim bûyte mekoy...
wîjdanêkî lexew hełsaw
řenge wişey xoşewîstî
lay hendê kes çak swaye
gyane... nazî xoşewîstît
ger hêz nebê nûzey naye.
*
ba kîjołekan bizanin...
min xoşewîstêkim heye
hemû řojê... le ser şeqamî řûy çeqo
maçim deka, maçî dekem
le berzayî estêre û xor... hejar peristêkim heye
le baweşya... bêçwe agirê hełdênim
leser mêzî coxînî řiq... gerûy xuřîn denûsênim
deyperistim... demperestêba afretekan bizanin
zor lemêje... henasey jînî bêzarim
xozgexwazî heway pake
zor lemêje... řêgey xoşewîstîm take
çengełî piř...
gund û çyay be bomba siř
besteyeke... sirûdêke...
her manduyek xewtin nebê çarî naka
her şořşêk... gulle nebê barî naka
*
gyane... gyane... were biřoyn...
aya agir, dête bîrî, pêçe û ’eba bisûtênê.
aya xencer dête bîrî, petî xinkan biqirtênê?
ey çyakan...
aya řûbar le tirsana, çîtir berew hewraz deřwa?
ey cutyaran... ey hejaran
ta key aẍa, telarekey be areqey êwe bişwa.
xemekanman wa depirsin
aya aya xwênekanman, şehîdanyan le bîr mawe?
hetîwekan... bawkekanyan le bîr mawe?
le ser şeqamî řûy çeqo
xoşewîstim katê xêra maçim kirdî
ger bipirsim
aya aya, toş muçřikî lêwî minit le bîr mawe
hawřêkanim werin biřoyn...
berew aheng...
ew ahengey... serguzşitey swałkerekan tomar deka
bo ahengê... şanogerî meydanî kar, le şa’îrana bar deka
xoşewîstim...
le nameket.. zengułî şew beçkey mujdem hełdesênê
bon barûdî namey derzin
şad bûnewey naw qefesî şarî encin
hawar deken...
telarî serberzî komeł, hejar nebê berzî naka
(řizgarî gel) xořayîş bê...
(pîskey teřpîr) qerzî naka.
*
le katêka, ke agirman dekirdewe
destî lafaw... namekey toy pê geyandim
ke telefzyonim kirdewe
giryaneket... çîrokêkî diłsozaney bo nwandim
erê gyane
erê gyane...
îtir namem bo menêre
pûlî poste namekanman depşikinê
sindûqî sûr...
gořî mirdin... bo wişey cwan hełdekenê
îtir namem bo menêre...
be řêgey kon bom menêre...
ta dême lat... ya to boxot dê yite êre