nefsî ḧîz
Li pirtûka:
Dîwanî Mela Marf Kokeyî
Berhema:
Mela Marif Kokeyî (1875-1945)
3 Xulek
938 Dîtin
muddetêke nefsî ḧîz ḧukmî xirawim lê deka
her be qehir û kîne deřwanêt û çawim lê deka
carbecar degrî û denałênê wekû hewrî behar
geh be xende û pêkenîn dîtû siławim lê deka
yek se’at û yek deqîqe dest le min hełnagrê
řû le her لاێی dekem her qaweqawim lê deka
bo xerabat û kilîsa û mescîd û deyr û kenîşt
demřifênê em sege sed gurgeřawim pêdeka
herçî tefrey lêdedem, we’d û we’îdî pêdedem
nasrewê teklîfî qoř û bindiřawim lê deka
’îffet û ’îsmet ke barî kirduwe, em kafre
kullî şew daway kiçêkî kes negawim lê deka
gerçî dinya bo melakan bote yek beytulxela
załme de’way guł û ’etir û guławim lê deka
řojî şîrînim nemawe ’ehdî tirş û tałîye
wek minał degrît û daway şekirî xawim lê deka
min leber ’îciz û perêşanî ke hîç nutqim nîye
îddî’ay eş’ar û beyt û bend û bawim lê deka
hênde giryawim le çawimda nema firmêskî xwên
załme bê řuḧme daway xwênî çawim lê deka
min be narî dił debirjênim kebabî cergî xom
boy debem řazî nîye daway piławim lê deka
herçî fikirî lêdekem řêgey xelasîm bo nîye
bem çiley zistane daway taw û sawim lê deka
deçme małê mał û mindał dên û dewrem lêdeden
yek temennay qend û ça yek nan û awim lê deka
deçme mizgewtê lewêş şeytanî mel’ûn ḧazre
îddî’ay îslam û îmanî nemawim lê deka
řû le bazařî dekem emcare erbabî tełeb
her kesê tûşim debê daway dirawim lê deka
deçme ser çom û xeyaban yek nefes asûde bim
şarebanî ḧazre û daway kiławim lê deka
seyrî xoştir, min ke «me’řûf»m le nêw em şareda
taze îḧsa’îye daway îsim û nawim lê deka
derdî bedtir lem hemû derdane tîẍî pîrîye
cergî let let kirdûm daway henawim lê deka
ḧezretî qabîz be ḧukmî padşahî layemût
îddî’ay tekmîlî ’umrî natewawim lê deka
yek le eşxasî edîb û dostanî muḧteřem
îddî’ay yek gewherî kun nakirawim lê deka
çûme lay ẍewwasî beḧrî fikir û boy hênameder
gewherî nasufte daway bac û xawim lê deka