înqilabî êran
Li pirtûka:
Şarî Diɫ
Berhema:
Kamil îmamî (1903-1989)
1 Xulek
681 Dîtin
înqilabê ke le êran řûy da
’alemêk kewtine nêw çałî fena
aługořêk le wiłatî ême
hatedî, derdî girane, pême
bot beyan kem be tewawî çon bû?
pyawetî û xoşî û çakî kon bû
dûdłî û lêk lekułî û ałozî
bê şitî û qatîy nan û řozî
kej û ko piř le temî derd û xeme
piř le tałî desî xawen siteme
der û deşt çoł le kuřukał mawe
şîw û doł terme nemawî lawe
çał û çoł termî cwanî lêye
dengî eşkewtê hewałî pêye
pêw dełê řoyî zemanî xoşî
mafî xomane xem û řeşpoşî
tazyedaranî cwananî gelîn
pakman mat û peroş û keselîn
asmanîş be řwałet şîne
şîn deka êste hewr piřçîne
qînî hestawe le akarî miro
bang dekate gelî çewsawe: biřo
yarmetî her le xuda dexwazîn
herçî meylî ewe, têkřa řazîn