azîz ten we nêş zamanit xesten
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
1476 Dîtin
azîz! ten we nêş zamanit xesten
meynet pay amam we zincîr besten
qasdêyç waçûn pey sefer xasen
řewan bo têzřew, hers û henasen
hêzî pay řefit û amaşan nîyen
ew serçemeş wişk, êd kota bîyen
sa to bo we řeẍim bextî bergeştem
cagêr ne dîdey we hûnaw řiştem
ba satêç řeqîb dûrît bikêşo
şewê wêney min wey řowe nîşo
werne, sa çunke asanet dûren
řa nimezanû, bełed zerûren
dił welatewen, aman sed aman
amoşoş kerden, fire car aman
çun we tamî zam dûrî serşaren
wiyane maro, beden bêzaren
hîç mewer we teng wiyaneşewe
perê bełedîm, bikyaneşewe