ẍezelî çwarem
hatnewey zistan û nehatnewey dił
Li pirtûka:
Dîwanî Şakelî
Berhema:
Şêx Ehmed Şakelî (1905-1980)
2 Xulek
550 Dîtin
azîz zimsane ewa zimsane
çe wadey dîsan le kwêstanane
takey çaweřêy hewa xoş bûnî
xo payîz nema zuqim û zebûnî
azarit eda sehoł û serma
bêro bo weten bo cêgey germa
carê her xoşe em herd û deşte
eger toy tya bê îtir beheşte
řoḧî be řeḧmet pîrî me’newî
her bo to fermû ye’nî mewlewî
fesłî xaw nîyen wadey şikaren
deştekey pay herd şakel dyaren
herdî şakel û deştî wek beheşt
şayenî toye şikar û guł gişt
kwêsan zeḧmete bo germyanî
xo qurbanîşe nabê neyzanî
cejnî qurbane řoy azadîye
des le milane bezim û şadîye
yekê des lemil gerdin azadî
yekê serxoşî seyranî şadî
minîş çaweřêy bejin û bałay tom
muştaqî şêwey cwanî sîmay tom
tewaw peşêwî şîwey şengî tom
şeyday řuxsarî lalezarî tom
bo nadyarî gyanî şîrînim
zankoş bê toye, sermayey jînim
axir sałte derçî le zanko
diktora ebî boçî naçîto
bêro bo şakel neçî bo ewî
laman mîwan be çend řoj û şewê
xemî em beyne le bîrman bero
şadî dest pê keyn dîsan lesero
ḧeme û ’usmanîş herwek min wane
diłyan piř le xwên çaw piř giryane
em herda û ew herd serma û řencorî
zeḧmetyan nada wek derdî dûrî
xo ḧusnî se’îd basî nakirê
şerḧî şewqî ew hergîz nakirê
katê ke ełê: kekem le kwêye
şor û şeydayîm tewaw bo toye
muxlîs pyaw û jin amoza û bira
le dûrî toye esûtên wek çira
axir azîzim bêro lem cejne
bejdarim bike lew bała û bejne
dîdarî toye cejin û beratim
qurbane boye temay xełatim
nanûsim îtir ta axir behar
namey îştyaq bo dîdarî yar
eger mam ewsa namey dyarî
enûsim beřêz herwek mirwarî
ger gurgî mergit nebuwe be mîwan
ey bo nayey to bo deştî ken’an