«fermayştî ḧezretî pîr»
Li pirtûka:
Dîwanî Şakelî
Berhema:
Şêx Ehmed Şakelî (1905-1980)
2 Xulek
859 Dîtin
taqet le diła taqe şekîbayî heta key
lem befir û hewa serdî zistane xwa wey
biřwane kej û kêwî diłim badeye û tem
serma û nesîmey demey dûdî henasey
’usmane hemû kêw û kej û berzî puşê
lem befir û kilîley xefeye meḧşere hey hey
řû zerd û serasîme û xwênawe diłî min
xwênî dił û řengî zerdî min day le mey û bey
awazî def û sîneye, nałey def û ney dê
zîl û bemî dił ẍemzedeye key defe ya ney
ře’dî diłe, baranî xeta, befrî qesawit
bedkar û řyakar û ’emel pûçî peyapey
lerzey diłekey karîye sed terze gunahê
sermaye nîye boye le sermaye peşêwê
şahî ’erebî min be fîdatim mededê zû
mest û nîgehî diłî toye cergime pey pey
şahî medenî to ke şefî’î hemu ’asît
xo min segî dergaketim řeḧmê desa dey
herçende gunehbar û xecel řûřeş zarim
xo ummetî tom, herçî hebim sed keřet oxey
bew tawî beharî coşiş û keremî řeḧmet
ba derkewê baẍ û çemen û lale û ẍunçey
sînem ke piřî ẍefłetî gerdî teme lûle
qurbane, şeha, zułmetî dił labe, le bokey
bew baye ejînim dê le medîney ’erebistan
’esman be fîday ew gumzî exzirî qubey